Davranış Kodeksi

Mədəd Azərbaycan təşkilatı dövlət qulluqçuları, biznes və vətandaşların peşəkar inkişafı üçün öyrənmə prosesində innovasiya və təhsil imkanlarını təklif edən milli təşkilatdır.

"Mədəd Azərbaycan" təşkilatı 1999-cu ildə Relief İnternational təşkilatının milli heyəti tərəfindən təsis olunmuş və 2000-ci ildə rəsmi qeydiyyata alınmışdır. Mədəd təşkilatı müvəffəqiyyətlə müstəqil varlığını təsis edib və yerli və xarici donorların dəstəyi ilə müxtəlif istiqamətli yaradıcı, faydalı və davamlı proqramlar həyata keçirmişdir. 10 illik iş təcrübəsinə malik "Mədəd" təşkilatı beynəlxalq təcrübəyə əsaslanaraq Azərbaycan Respublikasında təhsil, iqtisadiyyat və informasiya texnologiyaları sahələrinin inkişaf prosesinə yaradıcı və konstruktiv yanaşması ilə hədsiz töhfəsini vermişdir.

Davranış Kodeksi

Bu Davranış Kodeksi Mədəd Azərbaycanda yerinə yetirdiyimiz hər bir işdə dürüstlük və yüksək etik normalara öhdəliyimizin ifadəsidir. Burada işlərimizin icrasında düzgün qərar verməkdə bizə kömək etmək məqsədilə bütün işçilərdən riayət etməsi gözlənilən davranış normaları müəyyən olunur.

Bizdən hər birimiz Mədəd Azərbaycanın başlıca dəyərlərinə sədaqətimizi nümayiş etdiririk:

Mükəmməllik və Məsuliyyət

Biz nəticələrə görə məsuliyyəti dərk edərək, hər bir işimizdə mükəmməllik əldə edirik.

İnnovasiya

Biz hər bir işimizdə innovasiyaya üstünlük veriririk.

Düzgünlük

Biz xidmətlərimizi yüksək səviyyədə və düzgün formada çatdırmaq məqsədi ilə korporativ idarəetmə dəyərlərini üstün tuturuq.

İnam

Biz təhsilin sərhədsiz gücünə inanırıq.

Öhdəlik

Biz çalışdığımız icmaların davamlı inkişafına töhfə vermək üçün öhdəlik götürürük

Şəffaflıq və Etika

Bizim fəaliyyətimiz tam şəffafdır və yüksək etik dəyərlərə riayət edir.

Çağırışları Vaxtında Cavablandırma

Bizim fəaliyyətimiz dinamikdir və müasir dünyanın çağırışlarına cavab verir.

Biz bu Kodeksi oxumaq, bilmək və riayət etməyə görə cavabdehlik daşıyırıq.


Ədalətli və Sağlam Mühit

Ədalətli Davranış

Biz sifarişçilərimiz, ictimaiyyət, rəqabətçilər, təchizatçılarımız və bir-birimizlə ədalətlə davranmaq barədə öz üzərimizə öhdəlik götürürük. Biz, dələduzluq, gizlətmə, məxfi məlumatlardan düzgün olmayan formada istifadə, əsaslı faktların düzgün olmayan formada təqdim edilməsi yaxud digər ədalətsiz davranış yaxud əməllərə baş vuraraq heç bir kəs üzərində haqsız yolla üstünlüyə nail olmaq niyyətimiz yoxdur.

Ədalətli İş Prinsipləri və Müxtəliflik

Biz digərlərinə hörmətlə yanaşır, müxtəlif nöqteyi-nəzərləri qiymətləndirir və qərar verərkən peşəkar rəqabətlə bilavasitə əlaqəli olan məziyyət və keyfiyyətləri rəhbər tuturuq. Bu prinsipə əsasən biz bərabər imkanlar, şərəf və ləyaqət, hörmət prinsiplərini təşviq edən iş mühitini təmin etməyə sədaqət göstəririk.

Biz irq, rəng, din, milliyyət, cins, gender kimliyi, yaş, ailə vəziyyəti yaxud qanunla qorunan bu və ya digər xüsusiyyətlər zəminində hər hansı ayrıseçkilik yaxud zorakılıq hallarının qəti qadağan olduğunu bildiririk. Bizim müxtəliflik təşəbbüslərimiz açıq və əhatəli müştərək mədəniyyətə dəstək verir ki, milli və qlobal təşkilat kimi bizim rolumuz üçün bunun vacib olduğunu hesab edirik.

Məxfilik və Kommunikasiyalar

Məlumatların İctimaiyyətə Açıqlanması

Yatırım edən ictimaiyyətə dəqiq və tam məlumatların təmin olunmasına görə hüquqi cavabdehlik daşıyırıq.

Daxili Kommunikasiyalar

Mədəd Azərbaycan təşkilatın işinə təsir edən məsələn təşkilatda baş verən dəyişikliklər, yeni siyasətlər və tövsiyə olunan qabaqcıl təcrübələr kimi məsələlər barədə işçiləri mütəmadi məlumatlandırmağa dair öz üzərinə öhdəlik götürür. Bu kommunikasiyalar yalnız daxili istifadə üçün nəzərdə tutulur.

Media ilə Kommunikasiyalar

Biz Mədəd Azərbaycanın media ilə əlaqələrini qiymətləndirir və başlıca media qrupları ilə müntəzəm, davamlı əlaqə saxlayırıq. Media yaxud ictimaiyyətlə bütün kommunikasiyalar həqiqi, dəqiq və tam olmalıdır.

İş Yerində Təhlükəsizlik və Mühit

Bizim təməl prinsiplərimizdə ətraf mühit baxımından dayanıqlı inkişaf, işçilərimizin sağlamlığı və təhlükəsizliyi dəstəklənməlidir. İşçiləri sağlamlıq, təhlükəsizlik və ətraf mühitlə bağlı məsələlərdə maarifləndirilmək və məlumatlandırmaq və onları davamlı inkişaf prosesinə cəlb etmək lazımdır.

Müxtəliflik və Bərabər İmkanlara dair Öhdəlik

Mədəd Azərbaycan hər bir şəxsin şərəf və ləyaqətini qəbul edir, hər bir işçiyə hörmətlə yanaşır, rəqabətlilik prinsipi əsasında onlara kompensasiya və imtiyaz təmin edir, iş ilə bağlı bilik və bacarıqları genişləndirən təlimlər vasitəsilə özünün inkişafını dəstəkləyir, müxtəliflik və fərqli fikir və ideyaları qiymətləndirir.

Bizim təməl prinsipimiz işçilərimizin bilik və bacarıqlarını təkmilləşdirmək məqsədilə onlar üçün lazım təlimlər təşkil etməkdir.

- Bütün işçilər özlərinin bilik və bacarıqlarının inkişaf etdirilməsinə görə cavabdehlik daşıyır.
- İş fəaliyyətimizin ehtiyaclarına müvafiq olaraq biz işçilərimizin bilik və bacarıqlarını təkmilləşdirəcək imkanlar təklif edirik.

Davranış Kodeksi, bunun komponentləri və bunun təməlində duran prinsipləri təkmilləşdirmək üçün biz alətlər və təlimlər təmin edirik.

Kodeksin Tətbiq Forması

Bütün işçilərə Davranış Kodeksinin bir nüsxəsi təqdim olunmalı, bunu oxumalı və buna riayət etməlidirlər. Davranış Kodeksində Mədəd Azərbaycanın mövcud prinsipləri sistemləşdirilərək bunların xülasəsi verilir, gündəlik işimizin istinad etdiyi prinsipləri formalaşdırmaq üçün dəstək vasitəsi olaraq bunlardan istifadə olunmalıdır.

Kodeksin hazırkı versiyaları, eləcə də təməl prinsip və təlimatlara onlayn rejimdə hər zaman çıxış imkanı təmin olunur.

Mədəd təşkilatının Davranış Kodeksinin işçi heyətinin təlim proqramına daxil edilməsi rəhbər işçilərin qarşısında tələb kimi qoyulur.