Təhsil üzrə Gənc Liderlər üçün Yay Məktəbi

4-13 Sentyabr, 2014

İŞTİRAKÇI SEÇİMİ ÜÇÜN ELAN

Siz Azərbaycan Respublikası Təhsil Nazirliyi, Müasir Təhsil və Tədrisə Yardım Mərkəzi, Mədəd Azərbaycan təşkilatı və ABŞ Təhsilli Azərbaycan Məzunları İctimai Birliyi tərəfindən təşkil olunacaq Təhsil üzrə Gənc Liderlər üçün Yay Məktəbində iştirakçı olmaq üçün müraciət etməyə dəvət olunursunuz!

Layihə haqqında qısa məlumat:

Təşkilatçılar: Azərbaycan Respublikası Təhsil Nazirliyi, Müasir Təhsil və Tədrisə Yardım Mərkəzi, Mədəd Azərbaycan təşkilatı və ABŞ Təhsilli Azərbaycan Məzunları İctimai Birliyi

Tarix: 4-13 sentyabr, 2014-cü il

Məkan: Quba rayonu, Azərbaycan Dövlət İqtisad Universitetinin yay düşərgəsi

Məqsəd: Təhsil ilə maraqlanan və bu sahədə təhsilini başa vurmuş məzunların, gənc liderlərin müəyyən edilməsi ilə Azərbaycanda təhsilin inkişafı üzrə Dövlət strategiyasının yerinə yetirilməsinə dəstək göstərmək və strateji istiqamətlərdən irəli gələn tədbirlər planının reallaşdırılması üçün gənc kadrlar yetişdirmək.

İştirakçıların sayı: 40 nəfər

İştirakçıların profili: Yay Məktəbinə 22-40 yaş arası, Azərbaycan Respublikasının və ya xarici ölkənin universitetinin məzunları və ən azı bakalavr dərəcəsinə malik olan, Azərbaycan Respublikasında təhsilin inkişafı üzrə Dövlət Strategiyası ilə tanış olan, araşdırma aparmaq, onu təqdim etmək və yüksək səviyyəli ünsiyyət bacarıqlarına malik olan gənclərin cəlb olunması gözlənilir.

Yay məktəbinin dili: Azərbaycan dili

Yay məktəbinin məzmunu:

Yay məktəbi çərçivəsində təlim, təqdimat, müzakirə, vorkşop, debat və TEDx formatında aşağıdakı mövzuların əhatə olunması planlaşdırılır:

• Təhsil siyasəti
• Təhsildə strateji planlaşdırma
• Təhsil layihələrinin idarə olunması və qiymətləndirilməsi
• Təhsildə tədqiqatların rolu
• Təhsildə idarəetmə
• Təhsildə qiymətləndirmə və monitorinq
• Məktəb idarəetməsi və liderlik
• Müəllim hazırlığında innovativ yanaşmalar
• İnformasiya-kommunikasiya texnologiyalarının təhsildə tətbiqi

Yay məktəbinin fəaliyyətlərindən birinin aşağıdakı qaydada keçirilməsi nəzərdə tutulmuşdur:

• İştirakçılar 4 nəfərdən ibarət qruplara bölünəcək və hər qrupa aşağıdakı keysə uyğun tapşırıq veriləcək:

“Fərz edin ki, Siz müəyyən təhsil müəssisəsində idarəedici vəzifəyə təyin olunmusunuz. Həmin təhsil müəssisənin tabe olduğu təhsil şöbəsinin rəhbəri Sizə yeni təyin olunduğunuz vəzifədə məktəbinizin inkişafı üçün strateji plan hazırlamağı tapşırıb. AR Təhsilin İnkişafı üzrə Dövlət Strategiyasında nəzərdə tutulan prioritetləri nəzərə alaraq, təhsil müəssisənizin üç illik strateji planını və bir illik fəaliyyət planını hazırlayın.”

Layihənin sonunda hazırlanmış strateji və fəaliyyət planları iştirakçılara və təşkilatçılara təqdim olunacaq və oponent qruplar tərəfindən müzakirə/təhlil olunacaq.

Gözlənilən Nəticələr:

• 40 nəfər gənc liderin müəyyən olunacaq;
• İştirakçılara təhsil sahəsində müasir idarəetmənin tətbiqi istiqamətində praktiki bilik və bacarıqlar əldə etmək imkanı veriləcək;
• İştirakçılara təhsil sahəsindəki beynəlxalq tendensiyalar, Azərbaycan təhsilinin çağırışları haqqında fikir mübadiləsi və onların mümkün həlli yollarının təqdim olunması üçün platformanın təklif olunacaq;
• Azərbaycanda təhsilin inkişafı üzrə Dövlət strategiyasının yerinə yetirilməsinə dəstək və strateji istiqamətlərdən irəli gələn tədbirlər planının reallaşdırılması məqsədilə Təhsil Nazirliyi üçün kadr seçmə imkanının yaradılması müzakirə olunacaq;
• Tədbirin sonunda iştirakçılar tərəfindən hazırlanmış bütün materiallar layihənin təşkilatçıları tərəfindən qiymətləndiriləcək və Təhsil Nazirliyinin müvafiq qurumlarına tanışlıq üçün göndəriləcək.

İştirakçıya qoyulan tələblər:

• 22-40 yaş arası
• Bakalavr diplomu
• Azərbaycan Respublikasında təhsilin inkişafı üzrə Dövlət Strategiyası ilə tanışlıq
• Araşdırma aparmaq və onu təqdim etmək bacarıqları
• Yüksək səviyyəli ünsiyyət bacarıqları
• Analitik düşünmə, tənqidi düşünmə, problemi həll etmə bacarıqları

Seçim proseduru

Seçim proseduru aşağıdakı addımlardan ibarət olacaq:

1. Ərizə forması və motivasiya məktubu

Maraqlanan şəxslər onlayn ərizə forması və Maraq İfadəsini 4 avqust 2014-cü il tarixindən gec olmayaraq Təşkilatçılar Komitəsinə göndərməlidirlər. Ərizə formalarına baxıldıqdan və qiymətləndirmədən sonra, müəyyən keçid balı toplamış ərizəçilər növbəti seçim mərhələsinə dəvət olunacaqlar.

2. Müsahibə

Birinci seçim turunu uğurla keçən namizədlər avqust ayında Təşkilatçılar Komitəsinin üzvləri ilə müsahibəyə dəvət olunacaq və müsahibəni uğurla keçən namizədlər Təhsil üzrə Gənc Liderlər üçün Yay Məktəbində iştirak etmək hüququ qazanacaqlar.

Əlaqə

Suallarınız və təklifləriniz olarsa, Təhsil üzrə Gənc Liderlər üçün Yay Məktəbi layihəsi üzrə əlaqələndirici şəxsə müraciət edə bilərsiniz:
Xuraman Məmmədova,
“Mədəd Azərbaycan” təşkilatı
Tel: (+994 12) 530 8295
Email: khuraman@madad.net

Ərizə forması (online)

Ərizə forması (doc)

İştirakçı Elanı (pdf)

Paylaşın: